ԱԺ-ն երկրորդ ընթերցմամբ ընդունեց երեկ քննարկած բոլոր նախագծերը

Ազգային ժողովն ավարտեց արտահերթ նստաշրջանի աշխատանքը՝ ամբողջությամբ ընդունելով երեկ քննարկած նախագծերը, այդ թվում՝ «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքում լրացում կատարելու մասին օրենքի նախագիծը, որի համաձայն զոհված զինծառայողների ընտանիքի անդամների կրթությունն այսուհետ կդառնա անվճար:

Հիշեցնենք՝ օրինագծով առաջարկվում էր լրացում կատարել օրենքի 67-րդ հոդվածում, ըստ որի զոհված կամ մահացած զինծառայողների ընտանիքի անդամները՝ ծնողներն ու ամուսինը, կարող են ուսանել ՀՀ պետական հավատարմագրված ուսումնական հաստատություններում՝ ՀՀ պետական բյուջեի միջոցների հաշվին:

ԱԺ նախագահ Արարար Միրզոյանը նշեց, որ օրակարգը սպառված է և, ըստ ամենայնի, հաջորդ շաբաթ ևս կունենան մեկ արտահերթ նստաշրջան: