Նարեկ Մալյանն ազատ արձակվեց

Քիչ առաջ ոստիկանության Արտաշատի բաժանմունքից դուրս եկավ Նարեկ Մալյանը: Նա հայտարարեց, որ ոստիկանությունը հեռացրել է իր մեքենայի վրա փակցված պաստառները:

«Ոստիկանությունը գողացել է իմ գույքը՝ այն պլակատները, որի վրա գրված էր «Ո՛չ Սորոսի վաստակներին»: Ես այստեղից չեմ գնալու մինչև չվերադարձնեն ու չկպցնեն այնտեղ, որտեղ կար: Ինձ բերման են ենթարկել ապօրինի: Ես գտնվել եմ իմ մեքենայի մեջ ու եղել եմ մենակ: Ինձ բերման ենթարկելու որևէ օրինական հիմք գոյություն չունի»,- ասաց Մալյանը:

«Իշխանությունները սարսափած են, Նիկոլ Փաշինյանը վախից ուղղակի լցրել ա տակը, էս աստիճանի ապօրինություննե՞ր, էս խնդալու բան ա»,- հայտարարեց նա: