Թուրքիայի հայտարարությունները նպաստեցին հայ-ադրբեջանական սահմանին իրավիճակի սրմանը. դեսպան

Ռուսաստանի Դաշնությունում Հայաստանի Հանրապետության դեսպան Վարդան Տողանյանը ռուսական РБК-ին տված հարցազրույցում խոսել է Հայաստանի և Ադրբեջանի պետական սահմանանին առաջացած լարվածության պատճառների մասին: Ըստ նրա՝ հայ-ադրբեջանական սահմանին առաջացած սրացմանը նախորդել է Բաքվի հայտարարությունների շարքը, որոնք երկրի հասարակությանը պատրաստում են հնարավոր ռազմական գործողությունների։ «Հատկապես հուլիսի 6-ին Իլհամ Ալիևի վերջին հայտարարությունը, որը, ըստ էության, նշանակում էր Բաքվի դուրս գալ բանակցային գործընթացից»,- նշել է Տողանյանը: Տեղական հեռուստաալիքներին տված հարցազրույցում Ալիևը հայտարարել էր, որ ղարաբաղյան խնդրի շուրջ բանակցություններն իրականում չեն ընթանում: Նա նաև քննադատել էր ԵԱՀԿ Մինսկի խմբին՝ պասիվության համար:

«Փաստացի, Ադրբեջանը ԵԱՀԿ Մինսկի խմբի համանախագաներին մեղադրել է անգործունակության մեջ, հայտարարել է, որ միջազգային իրավունքը չի գործում, և որ միջազգային իրավունքն իրենց համար զենք է, անհրաժեշտ է ապավինել զինված ուժերին: Եվ իհարկե, այս ամենին նպաստեցին հարևան Թուրքիայի հայտարարությունները»,-ասել է Տողանյանը։