Քանյե Ուեսթն առաջարկել է Jay-Z-ին դառնալ փոխնախագահի թեկնածու

Ամերիկացի ռեփեր Քանյե Ուեսթն առաջարկել է Jay-Z-ին դառնալ իր թեկնածուն փոխնախագահի պաշտոնում, հայտնում է TMZ պորտալը՝ հղում անելով Ուեսթի հետ հարցազրույցը:
Նա հայտարարում է, որ Jay-Z-ն իր «եղբայրն է» և նրանք «չափազանց կապված են»: Պարբերականը նշում է, որ Ուեսթն արդեն ունի փոխնախագահի պաշտոնի թեկնածու՝ Վայոմինգից քահանա Միշել Տիբդալը: Սակայն, ըստ Ուեսթի՝ այդ մասին խոսել են Տիբդալի հետ, և նա համաձայնել է իր վարչակազմում այլ պաշտոն զբաղեցնել, եթե Jay-Z-ն ընդունի առաջարկը: Սակայն դեռ պարզ չէ, արդյոք Jay-Z-ն ընդունել է առաջարկը, թե ոչ։
Քանյեի նախընտրական արշավի կարգախոսը պարզ «այո» է: Նրա խոսքով, այժմ նա ունի ընդամենը երկու խորհրդական, դա նրա կինն է՝ Քիմ Քարդաշյանը և գործարար Իլոն Մասքկը, որին Ուեսթն առաջարկել է դառնալ «տիեզերական ծրագրի» ղեկավարը:
Ուեսթն իր Twitter-ում շաբաթ օրը հղում է տեղադրել՝ խնդրելով ստորագրել, որպեսզի իր անունը ներառեն նախագահական ընտրությունների քվեաթերթիկներում:
Հիշեցնենք, որ Քանյեն նախագահական աթոռի համար մրցավազքին մասնակցում է որպես անկախ թեկնածու։ Ավելի վաղ տեղեկություն էր ստացվել, իբրև թե Քանյեն մտափոխվել է, սակայն, ինչպես ավելի ուշ պարզ է դարձել, դա չի համապատասխանում իրականությանը: