Ուրբաթ, 29 մարտի, 2024 թ.
|
Ստեփանակերտում`   +14 °C

Եգիպտոսի խորհրդարանը թույլատրել է իր բանակին մտնել Լիբիա՝ ընդդեմ թուրքական ներխուժման

Եգիպտոսի խորհրդարանը թույլատրել է իր բանակին մտնել Լիբիա՝ ընդդեմ թուրքական ներխուժման
588
Երեքշաբթի, 21 հուլիսի, 2020 թ., 11:15

Եգիպտոսի խորհրդարանը հաստատել է նախագահ Աբդել Ֆաթթահ Ալ Սիսիի առաջարկը՝ թույլ տալ զորքերին մտնել Լիբիա՝ ընդդեմ թուրքական ներխուժման՝ սատարելով Լիբիայի արևելյան շրջանում գործող Աբդալահ աթ-Թանիի ժամանակավոր վարչակարգին, հայտնում է տեղական «Ալ-Ահրամ» թերթը:
Ինչպես նշում է լիբանանյան Daily Star-ը, ավելի վաղ Եգիպտոսի և ԱՄՆ նախագահները հեռախոսազրույցի ընթացքում քննարկել են Լիբիայում հրադադարի անհրաժեշտության և իրավիճակի սրման կանխարգելման հարցը։
Եգիպտոսի նախագահ Աբդել Ֆաթթահ Ալ Սիսիին խոստացել է զորք ուղարկել Լիբիա, եթե Լիբիայի ազգային համաձայնության կառավարության ղեկավար Ֆաիզ Սարաջի ուժերը փորձեն գրավել Լիբիայի Սիրտ և Ալ-Ջուֆրու քաղաքները:
Ըստ արևմտյան ԶԼՄ-ների՝ լիբիացի գեներալ Հաֆթարի ուժերին աջակցում են Ռուսաստանը, Ֆրանսիան, Սաուդյան Արաբիան, Արաբական Միացյալ Էմիրությունները և Եգիպտոսը: Ֆաիզ Սարաջիի կողմից են Թուրքիան, Քաթարը և Իտալիան: