«ԼՂ խնդրի կարգավորումը բխում է բանակցային գործընթացի մասնակից բոլոր երկրների շահերից». ՌԴ ԱԳ փոխնախարար

ԼՂ հակամարտության կարգավորումը բխում է տարածաշրջանի բոլոր պետությունների և բանակցային գործընթացին մասնակցող երկրների շահերից: Այս մասին հայտարարել է Ռուսաստանի արտաքին գործերի փոխնախարար Ալեքսանդր Գրուշկոն՝ ТАСС գործակալության գլխավոր տնօրենի առաջին տեղակալ՝ Միխայիլ Գուսմանի հետ հարցազրույցի ժամանակ: «Ինչ վերաբերում է Լեռնային Ղարաբաղում տիրող իրավիճակին, ապա մենք հավատում ենք, որ ոչ միայն Ռուսաստանը, այլև մյուս պետությունները պետք է հանդես գան հայտարարություններով, որոնք կողմերին կխրախուսեն խաղաղության և հրադադարի հաստատմանը: Իրավիճակի կայունացումը այժմ բխում է գործընթացում բոլոր մասնակիցների շահերից»,- ասել է Գրուշկոն: