Հինգշաբթի, 18 սեպտեմբերի, 2025 թ.
|
Ստեփանակերտում`   +15 °C

ՄԱԿ-ի գլխավոր քարտուղարը կոչ է արել երկու երկրների առաջնորդներին զերծ մնալ սադրիչ հռետորաբանությունից

ՄԱԿ-ի գլխավոր քարտուղարը կոչ է արել երկու երկրների առաջնորդներին զերծ մնալ սադրիչ հռետորաբանությունից
1052
Չորեքշաբթի, 22 հուլիսի, 2020 թ., 23:10

ՄԱԿ-ի գլխավոր քարտուղար Անտոնիո Գուտերեշը հեռախոսազրույցներ է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ՝ կոչ անելով հայ-ադրբեջանական սահմանին անհապաղ կայունացնել իրավիճակը, ճեպազրույցի ժամանակ հայտարարել է գլխավոր քարտուղարի պաշտոնական ներկայացուցիչ Ստեֆան Դյուժարիկը: Այս մասին գրում է «Риа новости»-ն:
«Հեռախոսազրույցների ընթացքում գլխավոր քարտուղարն իր մտահոգությունն է հայտնել հայ-ադրբեջանական սահմանին մարտական գործողությունների մասին հաղորդագրությունների կապակցությամբ։ Գլխավոր քարտուղարը ևս մեկ անգամ կրկնել է իր կոչը, այն է՝ անհապաղ և լիակատար լարվածության թուլացում»,- ասել է Դյուժարիկը։

Նրա խոսքով՝ Գուտերեշը նաև կոչ է արել առաջնորդներին զերծ մնալ սադրիչ հռետորաբանությունից և վերադառնալ բանակցություններին:

Կարդացե՛ք նաև