«Թուրքիայի այս գործելակերպը, մեծ հաշվով, անակնկալ չէր». Նիկոլ Փաշինյան

ՀՀ վարչապետ Նիկոլ Փաշինյանն այսօր՝ կառավարության նիստի ժամանակ անդրադարձավ հայ-ադրբեջանական սահմանին տիրող իրավիճակին: «Շատ ուժեղ էր հակառակորդին հասցված բարոյահոգեբանական հարվածը: Եվ սահմանին տեղի ունեցած դեպքերի արդյունքում Ադրբեջանում ներքաղաքական անկայուն վիճակ էր ստեղծվել, ինչն այդ երկրի ղեկավարությանը ստիպում էր դիմել նորանոր սադրանքների՝ ներքին դժգոհության էներգիան Հայաստանի և Արցախի դեմ ուղղորդելու համար»,- ասաց նա:

Վարչապետը ելույթի ընթացքում կատարեց, իր խոսքով, կարևոր արձանագրում. «Ադրբեջանը հարձակվեց Հայաստանի ինքնիշխան տարածքի վրա: ՀՀ-ին ուղղված Ադրբեջանի մեղադրանքները՝ իր դեմ ագրեսիայի մասին, պարզապես անհեթեթ են»:

Վարչապետի խոսքով՝ հայկական բանակը վերահաստատեց, որ տարածաշրջանում ամենաուժեղ և ինտելեկտուալ բանակն է:

Անդրադառանլով Թուրքիայի վերջին հայտարարություններին՝ վարչապետ Նիոկլ Փաշինյանն ասաց. «Միակ երկիրը, որ փորձում է ոչ թե հանդարտեցնել իրավիճակը, այլ առավել մեծ բռնություններ կիրառել, Թուրքիան է: Հաշվի առնելով այդ երկրի ապակայունացնող և ագրեսիվ քաղաքականությունը՝ իրեն սահմանակցող մի շարք տարածաշրջաններում, և ավանդական հակահայկական քաղաքականությունը, որը նաև արատահայտվում է Հայոց ցեղասպանության արդարացմամբ, Թուրքայի այս գործելակերպը մեծ հաշվով անակնկալ չէր»: