«Սուրբ Սոֆիան վերադարձել է իր նախկին կարգավիճակին․ մզկիթը կրկին մզկիթ է դարձել»․ Էրդողան

Ստամբուլի Սուրբ Սոֆիայում հուլիսի 24-ին թանգարանից կարգավիճակի փոփոխությունից հետո առաջին նամազին մասնակցել է 350 հազար մարդ: Այս մասին հայտարարել է Թուրքիայի նախագահ Ռեջեփ Թայիփ Էրդողանը, հաղորդում է Korrespondent.net-ը։

«Իմ ստացած տեղեկություններով, ուրբաթօրյա նամազին ներկա է եղել 350 000 մարդ»,- լրագրողների հետ զրույցում ասել է Էրդողանը:
Էրդողանի խոսքով՝ բոլոր ցանկացողները կարող են այցելել Սուրբ Սոֆիա: «Այժմ այս վայրը վերադարձել է իր սկզբնական վիճակին, մզկիթը կրկին մզկիթ է դարձել: Ես հույս ունեմ, որ այն կշարունակի ծառայել բոլոր հավատացյալներին որպես մզկիթ: Սա մի վայր է, որտեղ բոլոր մարդիկ կարող են այցելել որպես մշակութային ժառանգություն հանդիսացող տաճար», - ասել է Էրդողանը:

Հիշեցնենք՝ Թուրքիայի նախագահ Էրդողանը հրամանագիր էր ստորագրել, համաձայն որի, սուրբ Սոֆիա թանգարանը կվերածվի մզկիթի: