ՌԴ ոստիկանությունը միջնորդություն է ներկայացրել դատարան՝ ձերբակալելու համար երեք ադրբեջանցու
 235 Շաբաթ, 25 հուլիսի, 2020 թ., 18:05 ՌԴ Ոստիկանությունը դիմել է դատարան՝ Մոսկվայի հարավ-արևելքում տեղի ունեցած ազգամիջյան զանգվածային ծեծկռտուքի երեք մասնակիցներին ձերբակալելու համար: Նշենք, որ երեքն էլ ադրբեջանցի են: Վերջինները մասնակցել են ՀՀ քաղաքացիների հետ Մարյինոյի շրջանում տեղի ունեցած բախմանը: Հայտնում է «ՏԱՍՍ» լրատվական գործակալությունը: «Դատարանը ստացել է ՌԴ ՔՕ 213 հոդվածի 2-րդ մասով (Խուլիգանություն) կասկածվող Համիդովի, Վալիևի և Զավիդովի նկատմամբ որպես խափանման միջոց ձերբակալումն ընտրելու մասին հետաքննության միջնորդությունները»,- հայտնել են դատարանից: Գործի քննությունը տեղի կունենա մոտ օրերս: |
