Երեքշաբթի, 19 մարտի, 2024 թ.
|
Ստեփանակերտում`   +4 °C

«Մինչ օրս Հաց բերողին նվիրված հուշարձանի նախագծի վերաբերյալ որոշում չի կայացվել». Անահիտ Թարխանյան

«Մինչ օրս Հաց բերողին նվիրված հուշարձանի նախագծի վերաբերյալ որոշում չի կայացվել». Անահիտ Թարխանյան
538
Երկուշաբթի, 03 օգոստոսի, 2020 թ., 17:20

Ճարտարապետ, հասարակական գործիչ Անահիտ Թարխանյանը ֆեյսբուքյան իր էջում գրել է․ «Թավշյա հեղափոխությունից հետո նոյեմբեր ամսից ի վեր Արթուր Սարգսյանին նվիրված հուշարձանի նախագիծը հանձնել ենք քաղաքապետարան, իսկ անցյալ տարի աշնան վերջ ավագանու Մշակույթի, կրթության և սոցիալական հարցերի մշտական հանձնաժողովն անդրադարձել է առաջարկին, ուսումնասիրել այն։ Մինչ օրս կառույցի վերաբերյալ որևէ որոշում չի կայացվել, պատասխան չենք ստացել, չի տրամադրվել ճարտարապետանախագծային առաջադրանք․․․

Արթուր Սարգսյանի՝ Հաց բերողի կերպարը դարձել է 21-րդ դարում հայի առաքինության, իսկ իր ինքնազոհ ու ոգեղեն արարքը՝ ուղեցույց բոլորիս համար որպես քաղաքացիական հանրության խորհրդանիշ, և հենց այդ պատճառով էլ առաջարկվեց այն տեղադրել Մաշտոցի պուրակում։

Հուշարձանի նախագիծն իրականացվել և տեղն ընտրվել է այնպես, որ չվնասվի պուրակում աճած որևէ մեծ ու փոքր ծառ կամ էլ բուսահող։ Շատ ափսոս, որ այն չկառուցվեց, իսկ դրա փոխարեն հատվեցին քաղաքի առանց այն էլ սակավաթիվ մեծ ծառերը, բուսահողն էլ գնաց բետոնի տակ»:

Հաց բերողին նվիրված հուշարձանի նախագիծը (հատակագիծը)
Հաց բերողին նվիրված հուշարձանի նախագիծը (հատակագիծը)
Հաց բերողին նվիրված հուշարձանի նախագիծը
Հաց բերողին նվիրված հուշարձանի նախագիծը
Հաց բերողին նվիրված հուշարձանի նախագիծը
Հաց բերողին նվիրված հուշարձանի նախագիծը