Հինգշաբթի, 01 հոկտեմբերի, 2020 թ.
|
Ստեփանակերտում`   +10 °C

Ալիևն ու Պուտինը քննարկել են իրավիճակի սրումը հայ-ադրբեջանական սահմանին

Ալիևն ու Պուտինը քննարկել են իրավիճակի սրումը հայ-ադրբեջանական սահմանին
310
Հինգշաբթի, 13 օգոստոսի, 2020 թ., 14:05

Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը հեռախոսազրույց են ունեցել՝ ադրբեջանական կողմի նախաձեռնությամբ: Այս մասին հայտնում է Կրեմլի պաշտոնական կայքը:

«Քննարկվել են երկկողմ օրակարգի արդիական թեմաները: Հաստատվել է բոլոր ոլորտներում ռուս-ադրբեջանական գործընկերությունն առավել ամրապնդելու փոխադարձ տրամադրվածությունը: Իլհամ Ալիևը շնորհավորել է Վլադիմիր Պուտինին՝ կորոնավիրուսային վարակի դեմ ռուսական պատվաստանյութի գրանցման կապակցությամբ: Այս տարվա հուլիսին հայ-ադրբեջանական պետական սահմանին իրավիճակի սրման համատեքստում անցկացվել է մտքերի փոխանակում տարածաշրջանային խնդիրների վերաբերյալ: Ռուսական կողմը կարևորել է ցանկացած գործողությունների բացառումը, որոնք կնպաստեն լարվածության աճին», - ասվում է Կրեմլի տարածած պաշտոնական հաղորդագրությունում