«Նիկոլն ի՞նչ պիտի անի, գնա Բելառուսում միտինգ առաջնորդի՞». Վահրամ Թոքմաջյան

Պատմաբան Վահրամ Թոքմաջյանը ֆեյսբուքյան իր էջում գրել է. «Մարտի մեկ, իշխանության բռնություն տեսած բոլոր մարդիկ, հասկանում ու ապրումակցում են Բելառուսում ընթացող գործընթացների մասնակիցներին՝ խաղաղ ցուցարարներին:
Դա նորմալ է: Նորմալ է նաև, որ քաղաքացիական հասարակությունը հանդես է գալիս կոչով, հորդորներով:
Մի տեսակ չեմ հասկանում ահասարսուռ նկարներ տարածելու իմաստը, բայց երևի դա էլ է նորմալ: Չնայած մեր աչքը սովոր է: Ավելին, սովոր է սեփական մաշկից:
Բայց այ չեմ հասկանում էդ նկարներին զուգահեռ իշխանությունների վրա հոխորտալը: Չէ, իշխանության վրա հոխորտալ միշտ կարելի է: Չկա իշխանություն, որ դրա առիթը չտա:
Ճիշտ հասկանանք իրար:
Նիկոլն ինչ պտի անի, գնա Բելառուսում միտինգ առաջնորդի՞, թե ԱԺ-ից պատվիրակություն ուղարկի, որ ցուցարարներին սենդվիչ բաժանեն: Ուզենք, թե չուզենք, մենք էդ գրողի տարած ԵԱՏՄ ակումբի անդամ ենք:
ԱՄՆ, Ռուսաստանի կամ ԵՄ-ի ղեկավարներից պահանջեն միջամտել Բելառուսի ներքին գործերին, էլի հասկանալի է:
Մեր սաղ դարդերը դզել-փչել էինք, մնացել էր Բելառուսի ներքին գործերին խառնվեինք պետական մակարդակով:
Հ.Գ.
Ասածս բնավ կապ չունի շնորհավորել-չշնորհավորելու հետ»: