Toyota-ն ներկայացրել է նոր քրոսովերը

2066

Երկուշաբթի, 24 օգոստոսի, 2020 թ., 20:15

Toyota-ի հնդկական մասնաճուղը գաղտնազերծել է նոր կոմպակտ քրոսովերը, որը կրում է Urban Cruiser անվանումը: Նորույթը մշակվել է Suzuki-ի հետ համատեղ՝ գործընկերային համագործակցության շրջանակներում:

Նորույթի բազան Suzuki Vitara Brezza-ն է, հագեցած է լուսադիոդային օպտիկայով և 16-դյույմանոց անվասավառակներով, կլիմատ-կոնտրոլով, անբանալի մուտքի հնարավորությամբ, անձրևի ցուցիչով, մուլտիմեդիայի համակարգի 7-դյույմանոց սենսորային էկրանով: Toyota Urban Cruiser-ն ունի 1,5 լիտրանոց բենզինային շարժիչ, որի հզորությունը կազմում է 105 ձիաուժ՝ 138 ՆՄ պտտվող մոմենտով: Ագրեգատն աշխատում է հինգաստիճան «մեխանիկայի» և 4 միջակայք ունեցող «ավտոմատի» համադրությամբ:

Նախնական արժեքը 11 հազար դոլար է: