Երկուշաբթի, 27 հոկտեմբերի, 2025 թ.
|
Ստեփանակերտում`   +12 °C

Ադրբեջանը չի մասնակցի Ռուսաստանում նախատեսվող միջազգային զորավարժություններին

Ադրբեջանը չի մասնակցի Ռուսաստանում նախատեսվող միջազգային զորավարժություններին
971
Կիրակի, 06 սեպտեմբերի, 2020 թ., 10:20

Ինչպես արդեն հայտնել էինք՝ Ադրբեջանը հրաժարվել է մասնակցել Ռուսաստանում սեպտեմբերին նախատեսվող «Կովկաս-2020» միջազգային զորավարժություններին:

«ՌԻԱ Նովոստի»-ին մանրամասներ է հայտնում «Կովկաս-2020»-ի վերաբերյալ:

ՌԴ պաշտպանության նախարար Սերգեյ Շոյգուն հայտնել է, որ Շանհայի համագործակցության կազմակերպության, ԱՊՀ-ի և ՀԱՊԿ-ի անդամ երկրների պաշտպանության նախարարները պայմանավորվել են ընդլայնել իրենց համագործակցությունը ահաբեկչության դեմ պայքարում:

Ակնկալվում է, որ առաջին համատեղ զորավարժությունները կանցկացվեն «Կովկաս-2020» զորավարժությունների շրջանակներում: Թե ինչ ձևաչափով են դրանք անցկացվելու, դեռևս հայտնի չէ:

«Ադրբեջանական զինծառայողները չեն մասնակցելու «Կովկաս-2020» զորավարժություններին: Նախատեսվում է որպես դիտորդ երկու զինծառայող ուղարկել վերը նշված զորավարժություններին», - «ՌԻԱ Նովոստի»-ին հայտնել են Ադրբեջանի ՊՆ մամուլի ծառայությունից:

Ավելի վաղ Հնդկաստանը ևս հրաժարվել էր զորավարժություններին մասնակցելուց՝ հիմնական պատճառ բերելով կորոնավիրուսի համաճարակը:

«Կովկաս-2020» հրամանատարաշտաբային զորավարժությունները կանցկացվեն Ռուսաստանի հարավում սեպտեմբերին: Ավելի վաղ նախատեսվում էր, որ դրանց մասնակցելու են մի քանի երկրների խմբեր, այդ թվում ՝ Իրանից, Մյանմայից և Պակիստանից:

Կարդացե՛ք նաև