Երկուշաբթի, 09 փետրվարի, 2026 թ.
|
Ստեփանակերտում`   +6 °C

Վանի Հայկաշեն ամրոցում հայտնաբերվել է ուրարտական ազնվական կնոջ դամբարան

Վանի Հայկաշեն ամրոցում հայտնաբերվել է ուրարտական ազնվական կնոջ դամբարան
2641
Շաբաթ, 12 սեպտեմբերի, 2020 թ., 14:45

Թուրք հնագետները Վանում իրականացված պեղումների ժամանակ հայտնաբերել են ազնվական կնոջ գերեզման, որն ապրել է Ուրարտական թագավորության ժամանակ: Նրա հետ մեկտեղ թաղվել են բազմաթիվ թանկարժեք զարդեր: Նրա զույգ ձեռքերին ապարանջաններ են եղել, ձախ ձեռքի մատը զարդարված է եղել բրոնզե մատանիով, իսկ ականջները՝ արժեքավոր ականջօղերով:

Նաև դամբարանում հայտնաբերվել են կրծքազարդ և վզնոց՝ կիսաթանկարժեք քարերով, որը զարդարել է մահացածի պարանոցը:

Կինը թաղված է եղել Հայոց Ձորի Երվանդունիք գավառի Հայկաշեն (այժմ՝ Չավուշթեփե) ամրոցի դամբարանում: Այստեղ պեղումները սկսվել են 2017 թվականից:

Հաղորդվում է, որ դամբարանում թաղվել են ուրարտական թագավորական տան անդամները:

Կնոջ մարմնի մնացորդները տարվել են լաբորատորիա, որտեղ կպարզեն նրա մահվան պատճառն ու տարիքը:

Կարդացե՛ք նաև