«Լուկաշենկոյի՝ իշխանությունից հեռանալը ժամանակի հարց է». Տիխանովսկայա

Բելառուսի ընդդիմության առաջնորդ Սվետլանա Տիխանովսկայան հոդված է գրել ամերիկյան Washington Post պարբերականի համար, որում հայտարարել է պետական ապարատի դեմ զանգվածային ակցիաներն ու ցույցերը շարունակելու, գործարանների՝ գործադուլ անող աշխատողներին աջակցելու ընդդիմության ծրագրերի մասին:

«Այն ամենն, ինչ մենք պետք է անենք, միասնական լինելն է։ Կասկած չկա՝ մենք արդեն հաղթել ենք»,- գրել է Տիխոնովսկայան հոդվածում։
Նա նշել է, որ Ալեքսանդր Լուկաշենկոն վաղ թե ուշ հեռանալու է իշխանությունից:
«Լուկաշենկոն ապագա չունի որպես երկրի առաջնորդ, և միայն ժամանակ է հարկավոր, որ նա հեռանա իշխանությունից»,- գրել է Տիխանովսկայան։