«Իմ քայլը» խմբակցության մի քանի պատգամավորներ նոր պաշտոններ կստանան․ «Ժողովուրդ»
![]() 842 Հինգշաբթի, 17 սեպտեմբերի, 2020 թ., 09:25 Առաջիկայում կառավարությունում կադրային փոփոխություններ են սպասվում: «Ժողովուրդ» օրաթերթի տեղեկություններով՝ առաջիկայում ԱԺ «Իմ քայլը» խմբակցության մի քանի պատգամավորներ պաշտոններ կստանան և կտեղափոխվեն գործադիր աշխատելու: Ընդ որում, այդ որոշումները կայացվում են «Քաղաքացիական պայմանագիր» կուսակցության վարչության նիստում: Եվ, ահա, «Ժողովուրդ» օրաթերթի տեղեկություններով՝ վերջին անգամ վարչության նիստ է անցկացվել սեպտեմբերի 15-ին, և ուշագրավ է, որ այս անգամ վարչության անդամները հավաքվել են ոչ թե իրենց կուսակցության գրասենյակում, այլ ՀՀ վարչապետ Նիկոլ Փաշինյանի առանձնատանը: Եվ այդ նիստի ժամանակ քննարկվել է կառավարությունում կադրային փոփոխությունների հարցը, և խոսքը վերաբերում է նախարարների և փոխնախարարների հաստիքների փոփոխությանը: Եվ հենց այդ ժամանակ էլ վարչապետն ասել է, որ նպատակ ունի վարչության անդամներից շատերին գործադիր տանելու: Եվ, մեր տեղեկություններով, այդ պատգամավորների թվում է նաև Արման Բոշյանը, ու այժմ քննարկվում է նրան տանելու և որևէ պատասխանատու պաշտոնի նշանակելու հարցը: Դրան զուգահեռ նիստի ժամանակ քննարկվել է նաև պատգամավոր Սուրեն Գրիգորյանին արդարադատության փոխնախարար նշանակելու մասին հարցը Սրբուհի Գալյանի փոխարեն: Սակայն այս հարցում դեռ միասնական որոշում առկա չէ, եւ վարչությունում ոչ բոլորն են կողմ եղել այդ տարբերակին: Իսկ ինչ վերաբերում է պատգամավոր Վարազդատ Կարապետյանին, ապա այս հարցում ավելի շահագրգիռ է հենց պատգամավորը, և նա է ցանկանում օրենսդիրից տեղափոխվել գործադիրում աշխատելու: Նկատենք նաև, որ, «Ժողովուրդ» օրաթերթի տեղեկություններով, նիստում անդրադարձ է եղել նաև կրթության, գիտության, մշակույթի և սպորտի նախարար Արայիկ Հարությունյանին, ընդ որում՝ վերջինս էլ ներկա է եղել նիստին: Նրա հետ կոպիտ են խոսել և ասել, որ ընդդիմությունը կենտրոնացել է նախարարի աշխատանքի վրա, և պետք է խնդիրները քննարկել: Հավելենք, որ հիմնականում կադրային փոփոխությունները քննարկվում են հենց այս ձևաչափով, և Արմեն Փամբուխչյանին ԱԻՆ գործուղելու որոշումը ևս այսպես է կայացվել: Հավելենք, որ հոկտեմբեր-նոյեմբեր ամիսներին նշված տեղափոխումները կավարտվեն»: Մանրամասները՝ թերթի համարում: |
Ամիրբեկովը՝ Հայաստան-Ադրբեջան համաձայնագրի ստորագրման «խոչընդոտների» մասին
8410:32«88-ի հուլիսի 6-ին տեղի ունեցավ ազգային շարժման շրջադարձային դրվագներից մեկը»․ Արման Բաբաջանյան
11510:00«Փեզեշքիանի այցը բռնшզшվթված Ստեփանակերտ մեծ քննադատություն է առաջացրել». Վարդան Ոսկանյան (լուսանկար)
20809:00«Կարապետյանը եկել է բարի գործերով, իսկ Նիկոլը, բացի աղետից, ի՞նչ է բերել». Լևոն Ջավախյան
21603:06«Հայրենիքի ցավերով չզբաղվող մարդն իրավունք չունի զբաղվելու կրթությամբ». Կարին Տոնոյան
20702:36«Երեկվա հանրահավաք-երթից հետո իշխանության վախերը բազմապատկվեցին»․ Սևակ Հակոբյան
33100:42Մասկը հայտարարել է «Ամերիկա» կուսակցության ստեղծման մասին
32200:28«Նիկոլի համար ամենամեծ սարսափը հենց Սամվել Կարապետյանն է՝ երրորդ ուժի ի հայտ գալը»․ Գագիկ Համբարյան (տեսանյութ)
20700:12