«Տապանաքարային պատկերաքանդակ, 1842 թ., Շոշ, Արցախ». Համլետ Պետրոսյան

966

Երկուշաբթի, 21 սեպտեմբերի, 2020 թ., 02:05

Պատմաբան, Տիգրանակերտի արշավախմբի ղեկավար Համլետ Պետրոսյանը ֆեյսբուքյան իր էջում լուսանկարներ է հրապարակել ու մեկնաբանել. «Տապանաքարային պատկերաքանդակ, 1842 թ., Շոշ, Արցախ:

Այս հորինվածներն ունեն երեք հիմնական թեմա (թվարկումը աջից ձախ)՝ հանգուցյալի երկրային զբաղմունքը՝ իդեալականացված կերպարով, խնջույքը, ընտանիքը (մայրը, կինը, երեխաները)՝ սգի սենտենցիաներով: Վերին ձախ անկյունում քանդակված են սնդուկները՝ բանալիով և հանգուցյալի հորիզոնական (մահացած) կերպարով, հավանաբար այն սովորույթի պատկերումն է, երբ մահանալուց հետո առանձնացվում և փակի տակ են պահվում հանգուցյալի իրերն ու հագուստը:

Արձանագրությունը. «Այս է տապան լուսահոգի/ Օվանեսին՝ եխպեյր/ն էր Առուստամի, որ է որդիք/ Աթա Թօրօոսեանին:/ Մեծ իշխան էր Շոշվա կեղին:/ Ով որ կարդա՝ ասէ՝ Ա[ստուա]ծ ողորմի: 1842-ին»: