Ասադը հայտարարել է, որ Սիրիայից գրոհայիններ են տեղափոխվում հակամարտության գոտի

Սիրիայի նախագահ Բաշար ալ-Ասադը РИА Новости-ին հայտնել է, որ Սիրիայի գրոհայինները տեղափոխվում են հակամարտության գոտի, և Դամասկոսը կարող է դա հաստատել: «Մենք վստահորեն կարող ենք դա հաստատել, բայց ոչ այն պատճառով, որ ապացույցներ ունենք։ Երբեմն ապացույցներ չեն լինում, բայց լինում են դրա վկայությունները»,- ասել է Ասադը՝ պատասխանելով հարցին, թե կարո՞ղ է արդյոք հաստատել, որ խմբավորումների ահաբեկիչները տեղափոխվում են արցախա-ադրբեջանական հակամարտության գոտի։