«Զելենսկին սխալվում է, եթե կարծում է, որ ի դեմս Էրդողանի՝ ունի կայուն ռազմավարական գործընկեր». Պուշկով

Ռուսաստանի Դաշնային խորհրդի՝ տեղեկատվական քաղաքականության հարցերով հանձնաժողովի նախագահ Ալեքսեյ Պուշկովը գնահատել է Ուկրաինայի ու Թուրքիայի փոխհարաբերությունները՝ ասելով, որ Ուկրաինայի նախագահ Վլադիմիր Զելենսկին սխալվում է, եթե հույս է դնում երկու երկրների ռազմավարական գործընկերության վրա։ «Զելենսկին սխալվում է, եթե կարծում է, որ ի դեմս Էրդողանի՝ ունի կայուն ռազմավարական գործընկեր և կկարողանա հույս դնել նրա վրա։ Էրդողանի համար Ուկրաինան ևս մի խաղաքարտ է իր տարածաշրջանային պոկերում և Եվրոպայի, ԱՄՆ-ի ու Ռուսաստանի հետ հարաբերությունների բարդ համակարգում»,- գրել Է Պուշկովը Telegram-ում:

«Եվ «վերադարձնել Ղրիմը» Կիևին նույնպես չի օգնի։ Էրդողանը հավակնոտ է, բայց նա իրատես է քաղաքականության մեջ, գիտի, որ դա անհնար է և Մոսկվայի հետ անհիմն սուր հակամարտությունը նրան պետք չէ»,- կարծում է ռուս սենատորը: