«ԼՂ հարցն այս փուլում և այս փուլից սկսած երկար ժամանակ դիվանագիտական լուծում չունի». Ն. Փաշինյան
818 Չորեքշաբթի, 21 հոկտեմբերի, 2020 թ., 16:40 «Պետք է հստակ գիտակցենք, որ ԼՂ հարցը գոնե այս փուլում և այս փուլից սկսած մինչև բավականին երկար ժամանակ դիվանագիտական լուծում չունի ըստ էության: Բազմիցս ասել ենք, որ հարցը փոխզիջումների տարբերակով լուծելու պատրաստակամություն ունենք: Փոխզիջում նշանակում է, որ նշաձողից կարող ենք ինչ-որ բան նվազեցնել հանուն լուծման՝ պայմանով, որ դիմացինն էլ իր նշաձողից պետք է ինչ-որ բան իջեցնի, բայց պրակտիկան ցույց է տվել, որ այն, ինչ այս տրամաբանության մեջ ընդունելի է հայկական կողմի համար, անընդունելի է Ադրբեջանի համար»,- ֆեյսբուքյան եթերում քիչ առաջ հայտարարեց ՀՀ վարչապետը: Փաշինյանն անդրադարձավ նաև ՀՀ և ՌԴ հարաբերություններին. «Այսօր և այս ողջ ընթացքում ես շատ բարձր եմ գնահատում փոխգործակցությունը, մենք զգում ենք ՌԴ աջակցությունը որպես ՀՀ և հայ ժողովրդի ռազմական դաշնակցի: ՌԴ-ն նաև հանդիսանում է ԵԱՀԿ ՄԽ համանախագահ ու ՀՀ ռազմավարական գործընկեր ու այս կարգավիճակների բերումով ՌԴ-ն մինչ օրս արել է առավելագույնը և համոզված եմ՝ սրանից հետո էլ կանի առավելագույնը: Այս իրավիճակում ո՞րն է մեր անելիքը: Մեր անելիքը պայքարելն է մինչև վերջ ու անմնացորդ՝ մեր ժողովրդի իրավունքների համար՝ անկախ նրանից, թե ինչ տեղի կունենա, պետք է պայքարել: Այսօր Ադրբեջանի՝ վերը նշված դիրքորոշման համատեքստում պայքարել մեր ժողովրդի իրավունքների համար, նշանակում է՝ առաջին հերթին զենք վերցնել ու նվիրվել հայրենիքի իրավունքի պաշտպանության գործին: Ըստ էության, Ադրբեջանն ասում է՝ որևէ այլ բանի, բացի Ղարաբաղի կապիտուլյացիայի, համաձայն չէ, հետևաբար մեր ժողովրդի...խոսքը Ղարաբաղի մասին չէ, դեռ 90-ականների ազատամարտի հերոսները, կոնտեքստն էդպիսին էր, որ Ղարաբաղի մասին խոսելից խոսում ենք մեր ժողովրդի իրավունքների մասին: Առանց Արցախի չկա Հայաստան, հետևաբար՝ պաշտպանել Արցախի ժողովրդի իրավունքը, նշանակում է՝ պաշտպանել հայ ժողովրդի իրավունքը, իսկ սա նշանակում է՝ կռվել հանուն այդ իրավունքների այնքան ժամանակ, մինչև հնարավոր կլինի դիվանագիտական եղանակով հասնել ընդունելի որևէ եղանակի»: Վարչապետը հանդես եկավ կոչով. «Կոչն ուղղում եմ մեր երկրի բոլոր քաղաքապետերին, գյուղապետերին, պետական ու տեղական ինքնակառավարման բոլոր մարմիններին, կուսակցություններին, ՀԿ-ներին, որ ստանձնեն լիդերությունը, ձևավորեն կամավորական ջոկատներ, որոնք կիրականացնեն հայ ժողովրդի իրավունքի պաշտպանության գործը»: |
ԱԺԲ անդամների ասուլիսը՝ ուղիղ միացմամբ (տեսանյութ)
1413:48«Դուք վախեցած եք․ դա երևում է»․ Ռուբեն Մխիթարյան
4013:30«Ներազգային պառակտիչ բնույթ ունեցող հայտարարություն է արել»․ Գեղամ Մանուկյան (տեսանյութ)
5113:18Մակրոնը հայտնել է՝ ո՞ր պայմանով Պուտինը կմասնակցի G20-ի հանդիպմանը
11513:06«Աղդամցի Ալենը փորձում է դատարանից հավաստում ստանալ, որ ինքը ***** չէ»․ Աննա Մկրտչյան (տեսանյութ)
7512:18Crocus-ի ահաբեկչությանը հանցակցելու կասկածանքով կալանավորվածները բողոքարկել են կալանքը
12412:06«Ճիշտ ես անում, որ վախենում ես, նշանակում է՝ հասկանում ես, որ կարմիր գծերն անցել ես»․ Վահե Գասպարյան (տեսանյութ)
8511:06Պետդեպը պատասխանել է Զախարովային
14710:48