«100 տարի առաջ Շուշիում տեղի է ունեցել հայերի կոտորած. մենք չպետք է թույլ տանք կրկնություն». Վիկտոր Կոնոպլյով

Ռուս պոետ, «Наша среда» համացանցային հարթակի խմբագիր Վիկտոր Կոնոպլյովը ֆեյսբուքյան իր էջում տեսաուղերձով դիմել է հանրությանն ու առաջին հերթին Ռուսաստանի իշխանություններին՝ կոչ անելով ճանաչել Արցախի անկախությունը: Նա հիշեցրել է, որ 100 տարի առաջ Արցախի Շուշի քաղաքում տեղի է ունեցել հայերի զանգվածային կոտորած ադրբեջանցիների կողմից, ինչը դեպքերից 10 տարի անց մանրամասն նկարագրել է ռուս մեկ այլ պոետ Օսիպ Մանդելշտամը: «Այսօր՝ հարյուրամյակ անց, մենք չպետք է թույլ տանք Արցախի հայության մի նոր կոտորած»,- հայտարարել է Կոնոպլյովը: