Պեսկովը մեկնաբանել է Փաշինյան-Ալիև հանդիպման հնարավորությունը

Ռուսաստանն ամեն ինչ անում է պատերազմը դադարեցնելու և ԼՂ հակամարտության կարգավորման հարցը խաղաղ հունով տանելու ուղղությամբ, լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով հարցին, թե արդյոք Ռուսաստանը պատրաստ է կազմակերպել Հայաստանի և Ադրբեջանի ղեկավարների հանդիպումը Մոսկվայում։
«Պուտինը երեկ խոսել է այն մասին, որ ամենօրյա կապի մեջ է թե՛ Փաշինյանի, թե՛ Ալիևի հետ»,- ասել է Պեսկովը՝ պատասխանելով այն հարցին, թե Ռուսաստանը պատրա՞ստ է նման հրավեր ուղարկել և կազմակերպել երկու երկրների առաջնորդների հանդիպումը: