Շաբաթ, 27 դեկտեմբերի, 2025 թ.
|
Ստեփանակերտում`   +1 °C

Արաքչին Բաքվում ներկայացրել է ԼՂ հակամարտության կարգավորման իրանական նախաձեռնությունը

Արաքչին Բաքվում ներկայացրել է ԼՂ հակամարտության կարգավորման իրանական նախաձեռնությունը
1139
Չորեքշաբթի, 28 հոկտեմբերի, 2020 թ., 12:55

Քաղաքական հարցերով Իրանի փոխարտգործնախարար Աբաս Արաքչին Բաքվում հայտարարել է Լեռնային Ղարաբաղում ռազմական գործողությունները դադարեցնելու Իրանի նախաձեռնության մասին։ Այս մասին հայտնում է IRNA-ն։

Իրանի նախագահի հատուկ բանագնացն այսօր Բաքվում է:
«Վերջ դնել Ադրբեջանի հողերի «օկուպացմանը», պաշտպանել ազգային փոքրամասնությունների և մարդու իրավունքները, որոնք համարվում են Իրանի ծրագրի հիմնական գործոնները»,- նշել է դիվանագետը՝ հավելելով, որ ծրագիրը կարող է իրականացվել փուլ առ փուլ։
Նա նաև ասել է, որ ռազմական գործողությունների դադարեցումը և ազդեցիկ երկրների մասնակցությամբ բանակցությունների մեկնարկն իրանական ծրագրի մեկ այլ առանցքային մասն են՝ ընդգծելով, որ Իրանը մտադիր է տարածաշրջանային երկրների հետ խորհրդակցություններ անցկացնել իր ծրագրի շուրջ:
Բացի Բաքվից, Արաքչին կայցելի Մոսկվա, Երևան և Անկարա։