«Մենք շատ լավ զգում ու հասկանում ենք անմեղ մարդկանց տառապանքը». Թագուհի Ղազարյան

ԱԺ «Իմ քայլը» խմբակցության պատգամավոր Թագուհի Ղազարյանը ֆեյբուքյան իր էջում գրել է. «Այն, ինչ տեղի է ունեցել Ավստրիայում, մեծ ողբերգություն է։ Այն, ինչ տեղի է ունենում Ֆրանսիայում և աշխարհի տարբեր հատվածներում, մեծ արհավիրք է։ Գնալով ահագնացող բռնությունների ու ահաբեկչության պատճառով աշխարհում ավելի ու ավելի շատ անմեղ մարդիկ են տառապում։ Այդ տառապանքն արդեն մտել է հազարավոր ընտանիքներ նաև Հայաստանում և Արցախում, և մենք շատ լավ զգում ու հասկանում ենք անմեղ մարդկանց տառապանքը՝ որևէ արդարացում չունեցող ահաբեկչությունների ու բռնությունների պատճառով։ Մենք՝ խաղաղության, մարդասիրության ու բռնության մերժման արժեքները կրող մարդիկ ու պետություններս, կարող ենք դիմադրել այդ ահագնացող չարիքին, եթե համատեղենք մեր ջանքերը մեզ սպառնացող վտանգի դեմ։ Մենք կդիմակայենք և անպայման կհաղթահարենք ողջ քաղաքակիրթ մարդկությանն սպառնացող այս չարիքը։ Միասին»։