Փարիզն Անկարային պատժամիջոցներով Է սպառնացել՝ Էրդողանի կտրուկ արտահայտությունների պատճառով

Ֆրանսիայի արտաքին գործերի նախարար Ժան-Իվ Լե Դրիանը դատապարտել է Թուրքիայի նախագահ Ռեջեփ Թայիփ Էրդողանի կտրուկ հայտարարությունները Ֆրանսիայի և նրա ղեկավարության հասցեին՝ հայտարարելով պատժամիջոցների հնարավորության մասին:
«Նախագահ Էրդողանն այժմ պարբերաբար հանդես է գալիս բռնության, նույնիսկ ատելության անընդունելի հայտարարություններով»,-ասել Է Ֆրանսիայի ԱԳ նախարարը Europe 1 ռադիոկայանին տված հարցազրույցում:
«Դա ուղղված է ոչ միայն Ֆրանսիայի դեմ, այս հարցում կա ամբողջական Եվրոպական համերաշխությունը, և մենք հստակ պնդում ենք, որ Թուրքիան հրաժարվի նման տրամաբանությունից»,-շարունակել է Լե Դրիանը:
Միաժամանակ նախարարը հիշեցրել է, որ «Եվրոպական խորհուրդը, որը միավորում է Եվրամիության 27 անդամ պետությունների և կառավարությունների ղեկավարներին, որոշել է, որ անհրաժեշտ միջոցներ կձեռնարկի թուրքական իշխանությունների նկատմամբ»:
Նրա խոսքով, եթե թուրքական կողմը չփոխի իր դիրքորոշումը՝ «կան ճնշման միջոցներ, կա հնարավոր պատժամիջոցների ծրագիր»: