«Ոսկե ծիրան»-ը գերմանական ֆիլմերի հատուկ ծրագիր կիրականացնի՝ նվիրված վերամիավորման 30-ամյակին
424 Ուրբաթ, 06 նոյեմբերի, 2020 թ., 17:30 Երևանի «Ոսկե ծիրան» 17-րդ միջազգային կինոփառատոնը՝ իր «Աջակցություն կինոթատրոններին» նախագծի շրջանակներում նոյեմբերի ընթացքում գերմանական ֆիլմերի հատուկ ծրագիր կիրականացնի, որը նվիրված կլինի Գերմանիայի վերամիավորման 30-ամյակին։ Գյոթե ինստիտուտը և Երևանում «Գյոթե կենտրոնը» ավանդաբար աջակցում են փառատոնին, և փառատոնային բազում ծրագրեր իրականություն են դառնում հենց այդ երկու կառույցների հետ համագործակցության շնորհիվ։ Սերտ համագործակցությունը կշարունակվի նաև այս տարի, և 17-րդ փառատոնի շրջանակում գերմանական հատուկ ծրագրի ընթացքում կցուցադրվի 5 ֆիլմ։ Գերմանական ֆիլմերի ծրագիրը կբացվի գերմանացի հայտնի ռեժիսոր Քրիստիան Փեցոլդի վերջին՝ «Ունդին» ֆիլմի երևանյան պրեմիերայով։ Ֆիլմը 2020-ին ներկայացվել է Բեռլինի կինոփառատոնի մրցութային ծրագրում։ Կինոնկարի պրեմիերան տեղի կունենա նոյեմբերի 9-ին, ժամը 18։00 «Կինոպարկ» կինոթատրոնում։ Քրիստիան Փեցոլդի «Ունդին» ֆիլմը ժամանակակից հեքիաթ է, քնքուշ սիրո խոստովանություն քաղաքին, սակայն այն նաև լուրջ անդրադարձ է կատարում Գերմանիայի և Բեռլինի պատմությանը։ Գերմանական ֆիլմերի ծրագրի շրջանակում կներկայացվեն նաև Ալլա Կովգանի «Քանինգհեմ» կինոնկարը, որը յուրատեսակ 3D վավերագրություն է պարի ասպարեզում հայտնի Մերս Քանինգհեմի մասին, Բեռլինալեում 2020-ին «Լավագույն առաջին խաղարկային ֆիլմ» մրցանակի արժանացած Մելանի Վալդեի «Մերկ կենդանիներ» ֆիլմը, Լուքաս Ռայթերի «Համբի» վավերագրական բնապահպանական կինոնկարը և սերբագերմանական համատեղ արտադրության մրցանակակիր Սրջան Գոլուբովիչի «Հայր» ֆիլմը։ Կինոցուցադրությունները կկայանան նոյեմբերի 9-26-ն ընկած ժամանակահատվածում «Կինոպարկ և «ՍինեմաՍթար» կինոթատրոններում։ Որպես Գերմանական ֆիլմերի ծրագրի մաս՝ կկազմակերպվի նաև Քրիստիան Պետցոլդի հետ առցանց զրույց, որը հասանելի կլինի փառատոնի կայքում և կհեռարձակվի սոցիալական հարթակներով ՝ավելի լայն լսարանի համար: |
«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
2001:54Մայր Աթոռը հայտարարություն է տարածել
21622.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
28921.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
25221.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
31821.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
26421.04.2024, 00:30«Ցեղասպանված հուշարձաններ». կցուցադրվեն Հայաստանի պատմության թանգարանում
23820.04.2024, 23:24Հայոց ցեղասպանության զոհերի հիշատակին նվիրված համերգ՝ Հաագայում
69920.04.2024, 00:24