Պուտինն ու Տոկաևը քննարկել են իրավիճակը Ղարաբաղում

822

Չորեքշաբթի, 11 նոյեմբերի, 2020 թ., 22:00

ՌԴ և Ղազախստանի նախագահներ Վլադիմիր Պուտինն ու Կասիմ-Ժոմարտ Տոկաևը հեռախոսազրույց են ունեցել, որի ընթացքում քննարկել են իրավիճակը Ղարաբաղում։
Տոկաևն առանձնացրել է Ղարաբաղում կրակի և մարտական գործողությունների դադարեցման ուղղությամբ Ռուսաստանի ձեռնարկած ջանքերի արդյունավետությունը:
«2 կողմից վստահություն է հայտնվել, որ նոյեմբերի 9–ին բարձր մակարդակով համաձայնեցված միջոցառումների համալիրը նախադրյալներ է ստեղծում Լեռնային Ղարաբաղի շուրջ ճգնաժամի երկարաժամկետ և լիարժեք կարգավորման համար՝ ի շահ հայ և ադրբեջանցի ժողովուրդների»,- ասված է Կրեմլի մամուլի ծառայության հաղորդագրության մեջ: