Ռուսական ուղղաթիռները կգործեն ԼՂ խաղաղապահ օպերացիայում

Ռուսաստանի օդատիեզերական ուժերի ՄԻ-8 և ՄԻ-24 ուղղաթիռները կվերահսկեն Լեռնային Ղարաբաղի հակամարտության գոտում ռազմական գործողությունների դադարեցման շրջանները: Այս մասին հայտնել է ՌԴ ՊՆ-ն։ «Ուղղաթիռները կներգրավվեն խաղաղապահ գործողության մեջ՝ Լեռնային Ղարաբաղի հակամարտության գոտում հրադադարի վերահսկողության շրջանների և ռազմական գործողությունների ավիամոնիթորինգ իրականացնելու համար»,- նշել են ռազմական գերատեսչությունում: Պաշտպանության նախարարությունից հայտնել են նաև, որ ուղղաթիռները կգործարկվեն դեպի դժվարհասանելի շրջաններ նյութատեխնիկական աջակցության և խաղաղապահ զորակազմի անձնակազմի տեղափոխման համար:

Ուղղաթիռները Երևանի օդանավակայան են տեղափոխվել ռազմատրանսպորտային ավիացիայի Ան-124 «Ռուսլան» ինքնաթիռներով։