Ուրբաթ, 29 մարտի, 2024 թ.
|
Ստեփանակերտում`   +6 °C

«Մոսկվան ակնկալում է, որ ՄԱԿ-ը կմիանա ԼՂ-ում տարվող աշխատանքներին»․ Լավրով

«Մոսկվան ակնկալում է, որ ՄԱԿ-ը կմիանա ԼՂ-ում տարվող աշխատանքներին»․ Լավրով
922
Երեքշաբթի, 17 նոյեմբերի, 2020 թ., 14:45

Մոսկվան ակնկալում է, որ ՄԱԿ-ի կառույցները կմիանան Ղարաբաղում հումանիտար խնդիրների լուծմանը, այս մասին այսօր հայտարարել է ՌԴ ԱԳ նախարար Սերգեյ Լավրովը։
«Մենք ակնկալում ենք, որ կմիանան նաև այլ մարդասիրական կառույցներ, առաջին հերթին՝ Միավորված ազգերի կազմակերպության կառույցները։ Ես նկատի ունեմ փախստականների հարցերով գերագույն հանձնակատարի գրասենյակը, մարդասիրական հարցերի համակարգման գրասենյակը և, իհարկե, Լեռնային Ղարաբաղում նաև մշակութային ժառանգության պահպանման սուր խնդիրներ կան։ Եվ այստեղ իր դերը կարող է խաղալ ՅՈՒՆԵՍԿՕ-ն»,-ասել է նա։
Նա նշել է, որ ԿԽՄԿ-ն վաղուց գտնվում է տարածաշրջանում, և դրա փորձը կարող է օգտակար լինել այլ կազմակերպությունների ներկայացուցիչների համար:
«Ես կարծում եմ, որ այդ պայմանավորվածությունների հիման վրա ռազմական գործողությունների դադարեցումը, իհարկե, լրացուցիչ հնարավորություններ է ստեղծում Կարմիր խաչի միջազգային կոմիտեի աշխատանքի համար, որը ներկա է և Հայաստանում և Ադրբեջանում, ներառյալ՝ Լեռնային Ղարաբաղը»,- ասել է նա լրագրողներին:
Նախարարի խոսքով՝ ԿԽՄԿ-ն կարող է կարևոր դեր խաղալ Լեռնային Ղարաբաղում տեղի ունեցած իրադարձությունների հետևանքների հաղթահարման գործում։