«Էրդողանը ցանկանում է Ղարաբաղի շրջաններում բնակեցնել սիրիացի զինյալների»․ Պեգով

Թուրքիայի իշխանությունները ցանկանում են Արցախի՝ Ադրբեջանի վերահսկողության տակ գտնվող շրջանները բնակեցնել սիրիացի զինյալներով, այս մասին հայտնել է ռազմական լրագրող Սեմյոն Պեգովը՝ Մոսկվա-Երևան հեռուստակամուրջի ժամանակ։ Պեգովի խոսքով՝ Սիրիայից ահազանգեր են ստացվել այն մասին, որ այդ շրջաններ ցանկանում են բերել թուրքոմանների ընտանիքներին. «Սիրիայում արդեն նման կոչերով են դիմում մարդկանց, օգնություն են առաջարկում, եթե նրանք ցանկանան տեղափոխվել Ադրբեջանի վերահսկողությանն անցած շրջաններ»,- հավելել է Պեգովը։