Կրեմլում չեն մեկնաբանել Էրդողանի հայտարարությունը

ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը չի մեկնաբանել Թուրքիայի նախագահ Ռեջեփ Թայիփ Էրդողանի հայտարարությունն այն մասին, որ նա Վլադիմիր Պուտինի հետ քննարկել է Լեռնային Ղարաբաղում հրադադարի ռեժիմի պահպանման ջանքերի ընդլայնման հնարավորությունը՝ տարածաշրջանի մյուս երկրների հետ միասին: «Բացի այն, ինչ մենք ասել ենք երեկ երեկոյան տարածած հաղորդագրության մեջ, ոչինչ չեմ կարող ավելացնել»,- ասել է Պեսկովը լրագրողներին։

Ավելի վաղ հայտնել էինք, որ Էրդողանը՝ ելույթ ունենալով խորհրդարանում, հայտարարել է, թե այլ երկրներ, բացի Ռուսաստանից և Թուրքիայից, կարող են ներգրավվել Լեռնային Ղարաբաղում խաղաղության ապահովման գործում: