«Դիմել եմ նախագահին, որ միջազգային դատական հոգեբույժի հանձնաժողով կազմեն, Փաշինյանին փորձաքննության ենթարկեն». Կիմ Բալայան

«Իրավապահ մարմինները պարտավոր էին քրեական գործ հարուցել Նիկոլ Փաշինյանի դեմ սահմանադրական կարգը տապալելու համար: Պաշտոնական որևէ արձագանք չկա, գոնե ասեին, որ նյութեր են նախապատրաստում»,- լրագրողների հետ զրույցում ասաց հացադուլ հայտարարած ՍԴ նախկին անդամ Կիմ Բալայանը:

Նրա խոսքով՝ ինքը դիմել է նաև ՀՀ նախագահին. «Թող միջազգային դատական հոգեբույժի հանձնաժողով կազմեն և այս մարդուն փորձաքննության ենթարկեն, ես կասկած չունեմ, որ ինքը առնվազն շիզոֆրենիայի երկու տեսակով տառապում է. մեկը մեծամոլական զառանցանքներն է, մեկը՝ հետապնդման մանյակ է»,-ասաց նա: