Իրանում Ս. Թադեոս հայկական վանքին նվիրված նամականիշ է թողարկվել

Իրանի ազգային փոստային ընկերությունը նամականիշների թողարկման խորհրդի հետ համատեղ թողարկել է Սուրբ Թադեոս (Թադե) վանքին նվիրված նամականիշ։
45/65 մմ չափսերով նամականիշի անվանական արժեքը կազմում է 18000 ռիալ: Նամականիշը տպագրվել է 60000 տպաքանակով։
Նշենք, որ Ս. Թադեոսի վանքը գտնվում է Իրանի Իսլամական Հանրապետության Չալդրան շրջանի Ղարաքիլիսա գյուղում։ Եկեղեցու կառուցման թվականը վերագրվում է 4-6-րդ դարերին։ Ըստ ավանդության, այն հիմնադրել է Թադեոս առաքյալը 66թ-ին:
Վանքը գտնվում է Իրանի Իսլամական Հանրապետության իշխանությունների պահպանության տակ։