Երեքշաբթի, 19 մարտի, 2024 թ.
|
Ստեփանակերտում`   +4 °C

Ռոբերտ Քոչարյանի գրասենյակը հայտարարություն է տարածել

Ռոբերտ Քոչարյանի գրասենյակը հայտարարություն է տարածել
1494
Չորեքշաբթի, 02 դեկտեմբերի, 2020 թ., 13:15

ՀՀ երկրորդ նախագահի գրասենյակը հայտարարություն է տարածել. «Ինչպես հայտնի է, այսօր ՀՀ ԱԱԾ-ն, բառացիորեն արտատպելով Փաշինյանի խոսնակի հին տեքստերից մեկը, մի հաղորդագրություն է տարածել, ուր ազդարարել է Կառավարության շենքի դիմաց բողոքի գործողությունների մասնակիցների մեջ նախագահ Քոչարյանի կողմնակիցներին հերոսաբար հայտնաբերելու մասին։
Հարկ ենք համարում նշել, որ նման հայտնագործություն անելու համար պետք չէ ԱԱԾ լինել։ Հանրահայտ փաստ է, որ նախագահ Քոչարյանը հազարավոր կողմնակիցներ ունի, որոնք հայրենասեր, քաղաքականապես ակտիվ մարդիկ են և մշտապես մասնակցում են բողոքի տարբեր գործողությունների և հանրահավաքների։ ԱԱԾ ֆունկցիաները և կարողություններն անհրաժեշտ են մեկ այլ՝ դավաճան-կապիտուլյանտների շարժառիթները պարզելու գործում։
Մի՛ հապաղեք»։