Կիրակի, 24 հունվարի, 2021 թ.
|
Ստեփանակերտում`   +2 °C

«Վաղը կհայտարարվի երկրի ղեկավարի թեկնածուի անունը». Արծվիկ Մինասյան

«Վաղը կհայտարարվի երկրի ղեկավարի թեկնածուի անունը». Արծվիկ Մինասյան
176
Չորեքշաբթի, 02 դեկտեմբերի, 2020 թ., 21:10

Վարչապետ Նիկոլ Փաշինյանի հրաժարականի պահանջով երթի ընթացքում լրագրողների հետ զրույցում ՀՅԴ անդամ Արծվիկ Մինասյանը հայտնեց, որ վաղը կհայտարարեն երկրի ղեկավարի թեկնածուի անունը:

«Չեմ ուզում փակագծերը բացել, բայց թող ժողովուրդն իմանա, որ այն սպասելիքները, որոնք արտաբերվել էին այս ընթացքում՝ ապագա զարգացումների հետ կապված, նոր ձևավորվելիք անցումային կառավարության մասին, վաղը հայտարարության տեսքով կներկայացվեն և առաջին օրերին մեծ հանրահավաք կլինի», - ասաց Մինասյանը։

Հարցին՝ թեկնածուի կամ թեկնածուների մասին հայտարարվելո՞ւ է, Արծվիկ Մինասյանը պատասխանեց. «Այո, անպայման. վաղը»։

Շրջանառվող լուրերի համաձայն, ընդդիմադիր կուսակցությունների վարչապետի թեկնածուն ՀՀ նախկին վարչապետ, ԱԺՄ նախագահ Վազգեն Մանուկյանն է։