Երկուշաբթի, 07 հուլիսի, 2025 թ.
|
Ստեփանակերտում`   +17 °C

«Թուրքը գտնվում է Խնձորեսկից ընդամենը 600 մետր հեռավորության վրա». Նաիրա Զոհրաբյան

«Թուրքը գտնվում է Խնձորեսկից ընդամենը 600 մետր հեռավորության վրա». Նաիրա Զոհրաբյան
873
Երկուշաբթի, 07 դեկտեմբերի, 2020 թ., 14:25

«Մենք այսօր ունենք բացարձակ անիշխանություն, չունենք պետություն»,- այս մասին այսօր ԱԺ ամբիոնից հայտարարեց «Բարգավաճ Հայաստան» կուսակցության պատգամավոր Նաիրա Զոհրաբյանը:

«Սյունիքի, Գեղարքունիքի սահմանին կանգնած գյուղապետերը, բնակիչները, կամավորականներն են պահում սահմանները, և ունենք տարածքային ամբողջականության ռեալ վտանգ»,- նկատեց նա:

«Քիչ առաջ խոսեցի Խնձորեսկի գյուղապետի հետ. թուրքը գտնվում է Խնձորեսկից ընդամենը 600 մետր հեռավորության վրա, և այդպես է Սյունիքի բազմաթիվ գյուղերում: Մեր հայրենքի սահմանները ճշգրտվում են GPS-ով: Արցախը հանձնածն ասում է՝ դե էդպես է, պետք է վերադառնանք Խորհրդային Հայաստանի և Խորհրդային Արցախի սահմաններին»,- ասաց Զոհրաբյանը:

«Խոսել եմ ԳԱԱ-ի մասնագետների հետ, ասում են՝ սուտ է, որովհետև Խորհրդային միության փլուզումից հետո այդպես էլ վերջնականապես ճշգրտված չէին սահմանները, և եղել է մի քանի քարտեզ»,- նշեց նա: