Շաբաթ, 02 օգոստոսի, 2025 թ.
|
Ստեփանակերտում`   +31 °C

Կրեմլում հույս են հայտնել, որ Թուրքիայում #НТВ-ի լրագրողները շուտով ազատ կարձակվեն

Կրեմլում հույս են հայտնել, որ Թուրքիայում #НТВ-ի լրագրողները շուտով ազատ կարձակվեն
1165
Երկուշաբթի, 07 դեկտեմբերի, 2020 թ., 15:00

Կրեմլը հույս ունի, որ Թուրքիայում ձերբակալված ռուսական НТВ հեռուստաալիքի լրագրողները շուտով ազատ կարձակվեն։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։

Ռուս դիվանագետները կապի մեջ են թուրքական կողմի հետ, Ռուսաստանը հույս ունի, որ միջադեպը կկարգավորվի երկխոսության միջոցով, ասել է Պեսկովը:

«Մենք հույս ունենք, որ մոտ ժամանակներս մեր լրագրողներն ազատ կարձակվեն»,- հավելել է ՌԴ նախագահի մամուլի քարտուղարը:

Ընդ որում՝ նա ընդգծել է, որ ռուսական կողմը կձեռնարկի բոլոր հնարավոր միջոցները ձերբակալվածներին օգնելու համար:

Հիշեցնենք՝ ավելի վաղ թուրքական ոստիկանությունը ձերբակալել էր լրագրողներ Ալեքսեյ Պետրուշկոյին և Իվան Մալիշկինին։ Նշվում էր, որ լրագրողների մոտ բացակայել է հավատարմագիրը:

Կարդացե՛ք նաև