«Առաջարկում ենք Ղարաբաղում հումանիտար կենտրոնը միջազգային դարձնել». Լավրով

Լեռնային Ղարաբաղի հարցով հումանիտար արձագանքման կենտրոնի ստեղծման հետ կապված հարցերը քննարկվում են, հայտարարել է ՌԴ ԱԳ նախարար Սերգեյ Լավրովը: «Մենք խոսել ենք նաև այն հարցերի մասին, որոնք կապված են հումանիտար արձագանքման կենտրոնի ստեղծման հետ, դա նախագահ Պուտինի նախաձեռնությունն է։ Առաջարկել ենք այդ կենտրոնը դարձնել միջազգային՝ Հայաստանի և Ադրբեջանի մասնակցությամբ»,- հայտարարել է Լավրովը՝ Այվազյանի հետ բանակցությունների արդյունքներով ճեպազրույցի ժամանակ։ «Այժմ քննարկվում են այդ նախաձեռնության գործնական հարցերը, դրա իրականացմանը կմասնակցեն Ռուսաստանի մի շարք նախարարություններ և գերատեսչություններ»,- նշել է նա: