Պեսկովը՝ Պուտինի առողջական խնդիրների վերաբերյալ լուրերի մասին

ՌԴ նախագահի մամուլի քարտուղար Դմիտրի Պեսկովը բացարձակ անհեթեթություն է անվանել Վլադիմիր Պուտինի առողջական խնդիրների վերաբերյալ պնդումները, նա նշել է, որ այդ տեղեկությունը տարածողները կարող էին գոնե հարցնել, և Կրեմլում կպատասխանեին:

«Ինչ վերաբերում է առողջությանը, ապա դա բացարձակ անհեթեթություն է։ Այստեղ, հավանաբար, պարկեշտություն չկա։ Գոնե հարցնեին, մենք կպատասխանեինք»,- ասել է Պեսկովը։

Նա կրկին հիշեցրել է Կրեմլի վերաբերմունքը նման հրապարակումների և նախագահի շրջապատի վերաբերյալ տարբեր հետաքննությունների նկատմամբ։

«Ըստ էության՝ տարբեր ասեկոսեների հավաքածու։ Ես ևս մեկ անգամ կրկնում եմ, մենք գիտենք, թե ովքեր են դրանով զբաղվում։ Եվ ավելին, մենք գիտենք, որ դա կշարունակվի նաև հետագայում»,- ասել է Պեսկովը։