«Աթոռակռիվ անում են իշխանությունները և անձամբ Նիկոլ Փաշինյանը». Արթուր Վանեցյան

«Մեզ մեղադրում են աթոռակռվի մեջ, մենք աթոռակռիվ չենք անում, աթոռակռիվ անում են իշխանությունները և անձամբ Նիկոլ Փաշինյանը»,- այսօր վարչապետի հրաժարականի պահանջով բողոքի ակցիայի ժամանակ ասաց «Հայրենիք» կուսակցության ղեկավար Արթուր Վանեցյանը: Ինչ վերաբերում է քաղաքացիական հնարավոր բախումներին, Վանեցյանի խոսքով՝ այդպիսի բախումներ հրահրելու կոչով մինչ օրս հանդես է եկել բացառապես Նիկոլ Փաշինյանը: «Մենք մեր ակցիաները շարունակելու ենք մինչև վերջ և հասնելու ենք Նիկոլ Փաշինյանի հրաժարականին: Կա մեկ նպատակ՝ երկիրը փրկել պարտված Նիկոլ Փաշինյանից և հաղթահարել այն դժվարությունները, որոնք կան մերերկրում: Բոլոր միջոցներն, առանց խտրականության, պետք է օգտագործվեն՝ Փաշինյանին պաշտոնից հեռացնելու համար, ու մենք բոլոր միջոցները համադրելու ենք՝ և՛ դրսի ճնշում, և՛ քաղաքական ուժերի, առավել ևս խորհրդարանական ուժերի հետ աշխատանք»,- ասաց Ա. Վանեցյանը: