«Ձեր՝ փողոցային պայքարի միջոցով Նիկոլ Փաշինյանի հրաժարականին հասնելն արդյունք չի տվել». լրագրողը՝ Իվետա Տոնոյանին

«Ձեր՝ փողոցային պայքարի միջոցով Նիկոլ Փաշինյանի հրաժարականին հասնելն արդյունք չի տվել: Ի՞նչ եք պատրաստվում անել, եթե վարչապետն ամիսներ շարունակ հրաժարական չտա»,- խորհրդարանական ճեպազրույցում ԲՀԿ-ական պատգամավոր Իվետա Տոնոյանին դիմեց լրագրողը: «Ես կարծում եմ, որ շատ վաղ է գնահատական տալ՝ պայքարն արդյունք տվել է, թե ոչ: Պայքարն ընթացքի մեջ է, և ես առավել քան վստահ եմ, որ այս գործում մենք հաջողելու ենք, որովհետև Նիկոլ Փաշինյանի հրաժարականի հարցն այլընտրանք չունի:

Տոնոյանը հանրահավաքների սակավամարդությունը պայմանավորում է նրանով, որ ժողովուրդն այս պահին սգի, շոկի մեջ է:

Պատգամավորի խոսքով՝ օգտագործելու են վարչապետի հրաժարականին հասնելու բոլոր հնարավոր գործիքները՝ կլինեն դրանք քաղաքացիական անհնազանդության ակցիաներ, թե հանրահավաքներ, «մինչև Փաշինյանի մոտ հասունանա հրաժարական տալու գիտակցումը»: