Պուտինը շնորհավորել է Բայդենին

Ռուսաստանի նախագահ Վլադիմիր Պուտինը շնորհավորել է Ջո Բայդենին ԱՄՆ նախագահական ընտրություններում հաղթելու կապակցությամբ:

Պուտինը Բայդենին հաջողություն է մաղթել և վստահություն հայտնել, որ չնայած տարաձայնություններին, Ռուսաստանն ու ԱՄՆ-ը կարող են նպաստել բազմաթիվ խնդիրների ու մարտահրավերների լուծմանը:

«Իմ կողմից պատրաստ եմ Ձեզ հետ համագործակցության և շփումների»,- ընդգծել է Պուտինը:

Ընտրիչների քվեարկության արդյունքում դեմոկրատ Բայդենը 306 ձայն է ստացել, իսկ հանրապետական Դոնալդ Թրամփը՝ 232: Հունվարի 6-ին արդյունքները պետք է հաստատվեն Կոնգրեսի կողմից։