«Ղարաբաղյան հակամարտությունը թունավորել է ԱՊՀ-ում համագործակցության մթնոլորտը». Տոկաև

Ղազախստանի նախագահ Քասիմ-Ժոմարտ Տոկաևը ողջունել է Ղարաբաղում ռազմական գործողությունների դադարեցման մասին հայտարարության ստորագրումը՝ նշելով, որ այդ հակամարտությունը թունավորել է ԱՊՀ-ում համագործակցության մթնոլորտը: Այս մասին նա հայտարարել է ԱՊՀ պետությունների ղեկավարների խորհրդի նիստում։
Տոկաևը համոզված է, որ Ղարաբաղի վերաբերյալ հայտարարությունը «ստեղծված ծայրահեղ իրավիճակում միակ ճիշտ որոշումն է»:
Տոկաևը հույս է հայտնել, որ այդ «պատմական համաձայնագիրը» կնպաստի տարածաշրջանում երկարատև խաղաղության հաստատմանը:
«Ըստ էության, մարվել է հետխորհրդային տարածքում հակամարտության օջախը, որը թունավորել է համագործակցության քաղաքական մթնոլորտը դրա ողջ գոյության ընթացքում»,- նշել է Ղազախստանի ղեկավարը:
«Բայց գլխավորն այն է, որ մեր երկրների ժողովուրդները ցանկանում են ապրել խաղաղ մթնոլորտում, բարեկամանալ միմյանց հետ»,– նշել է Տոկաևը: