Արցախում մշակութային օբյեկտները պետք է պաշտպանվեն խաղաղապահների կողմից․ Կոտենոկ

Արցախում քրիստոնեական ժառանգության նկատմամբ ադրբեջանական ԶՈՒ գործողությունները ռազմական հանցագործություններ են։ Այս մասին, մամուլի ասուլիսի ժամանակ ասել ռուս ռազմական լրագրող Յուրի Կոտենոկը:
«Տաճարը, որտեղ ես վիրավորվել եմ, պղծվել է։ Ադրբեջանցիները քրիստոնեական տաճար էին մտնում գլխարկներով, ծիծաղլով և ծխելով։ Այս ամենը մեծ ցավ ու վիշտ է։ Ես հույս ունեմ, որ քրիստոնեական սրբավայրերն առանց պաշտպանության չեն մնա»,-ասել է Կոտենոկը։
Նրա խոսքով՝ ադրբեջանցի զինծառայողները հարվածում են վանքերի ու տաճարների խաչերին, կոտրում գերեզմանաքարերը, ծաղրում պատմամշակութային հուշարձանները:
Լրագրողը հույս է հայտնել, որ Արցախում քրիստոնեական սրբավայրերը չեն մնա առանց պաշտպանության։ Կոտենոկը կարծում է, որ մշակութային, պատմական, կրոնական բոլոր օբյեկտները պետք է պաշտպանվեն խաղաղապահ ուժերի կողմից:
Յուրի Կոտենոկը խոստովանել է, որ ի սկզբանե եկել է Արցախ, որպեսզի իր ներդրումն ունենա քրիստոնեական սրբավայրերի պաշտպանության գործում:
Ավելի վաղ Human Rights Watch-ը Շուշիի Ղազանչեցոց տաճարի գնդակոծությունը ռազմական հանցագործություն է անվանել: