«Ստորագրելուց հետո 100 հոգի գերի ա ընկել․ բա մենք դուխով պետություն ենք»․ գյուղացին՝ վարչապետին

ՀՀ վարչապետ Նիկոլ Փաշինյանի հետ հանդիպման ժամանակ սառնակունքցիներն անհանգստություն հայտնեցին, որ ադրբեջանցիներն արդեն Սյունիք են մտնում: «Ոչ մեկ Սյունիք չի մտել և Սյունիքից ոչ մի բան չի տրվել»,- ընդհատելով քաղաքացուն՝ ասաց Փաշինյանը։ Ի պատասախան երիտասարդն արձագանքեց․ «Պարո՛ն վարչապետ, հայտարարությունը ստորագրելուց հետո 100 հոգի գերի ա ընկել։ Բա մենք դուխով պետություն ենք, չենք կարո՞ւմ ասենք՝ ստորագրությունը տվել եք, ի՞նչ եք անում, պատասխան տվեք դրա համար»։

«Ասում ենք և աշխատում ենք, բայց էդ ամեն ինչը պետք ա արվի նենց, որ մարդկանց ճակատագրի վրա նեգատիվ ազդեցություն չունենա։ Իմ առաջարկն էն ա, որ հավելյալ կրքեր պետք չի բորբոքել, առանց էն էլ վիճակը շատ բարդ ա․․․։ Կան սահմանային որոշակի կետեր և դրանց շուրջ մեր սահմանապահներն են տեղակայվում, նաև՝ ռուսական սահմանապահ զորքերը և այլն»,- ի պատասխան ասաց Փաշինյանը։