«2010-ին հաստատված օրենքում գրված է, որ Տեղ գյուղից էն կողմ Ադրբեջանն է»․ Փաշինյան

«Էսօրվա սահմանները որոշվել են «ՀՀ վարչատարածքային բաժանման մասին» օրենքով, էդ օրենքն ընդունվել ա 2010 թվականին»,- սիսիանցիների հետ հանդիպման ժամանակ հայտարարեց ՀՀ վարչապետ Նիկոլ Փաշինյանը։

Մանրամասնելով, թե խոսքն ինչի մասին է՝ Փաշինյանը շարունակեց․ «Էդ օրենքում, օրինակ, Ներքին Խնձորեսկ համայնքի, Տեղ համայնքի վարչական սահմանների նկարագրությունը տրված ա նաև Ադրբեջանի հետ սահման։ Այսինքն՝ դա 2010 թվին ա եղել։ Բա էն ժամանակ ինչի՞ ա օրենքի մեջ գրվել, էն ժամանակվա կառավարությունը ներկայացրել ա օրենքը։ Էդ տարիներին Կառավարության անդամ եղած, պատգամավոր աշխատած մարդիկ, մեզ հիմա ասում են՝ դուք ինչի՞ եք էդ կետերով կանգնում։ Բայց չէ՞ որ ձեր ընդունած օրենքով օրենքի ուժ ա ստացել դա։ Բա էն ժամանակ ինչի՞ չեն ասել, որ սա Արցախի Հանրապետության տարածք ա։ 2010-ին կառավարության կողմից հաստատված օրենքով գրված է, որ Տեղ գյուղից էն կողմ Ադրբեջանի Հանրապետությունն ա»։