Երկուշաբթի, 23 փետրվարի, 2026 թ.
|
Ստեփանակերտում`   +9 °C

Պուտինին չի հետաքրքրել տեղեկությունը, որ Նարիշկինը մտերմություն է անում ադրբեջանցիների հետ

Պուտինին չի հետաքրքրել տեղեկությունը, որ Նարիշկինը մտերմություն է անում ադրբեջանցիների հետ
957
Երկուշաբթի, 21 դեկտեմբերի, 2020 թ., 21:00

ՌԴ նախագահ Վլադիմիր Պուտինին չի հետաքրքրել տեղեկատվությունն այն մասին, թե իբր Ռուսաստանի արտաքին հետախուզության ծառայության տնօրեն Սերգեյ Նարիշկինը կապ ունի ադրբեջանական սփյուռքի հետ, լրագրողներին հայտնել է նախագահի մամուլի քարտուղար Դմիտրի Պեսկովը:

Ավելի վաղ Проект պարբերականը հրապարակել էր հետաքննություն, որի համաձայն Ռուսաստանի արտաքին հետախուզության ծառայության ղեկավար Սերգեյ Նարիշկինն աշնանը՝ Լեռնային Ղարաբաղում պատերազմի ժամանակ, իբր, Մոսկվայում է եղել Ադրբեջանի առաջին փոխվարչապետ Յաղուբ Էյուբովի ընտանիքի անդամի հետ: Բացի այդ, որ Նարիշկինն, իբր, սերտ կապեր ունի ադրբեջանական ծագմամբ գործարար Գոդ Նիսանովի հետ և օգտվում է նրա ունեցվածքից, իսկ նրա դուստրը ընկերություն է անում Ադրբեջանի նախագահի դուստր Լեյլա Ալիևայի հետ:

«Ոչ, դա չի հետաքրքրել նախագահին»,- պատասխանել է Պեսկովը լրագրողների այն հարցին, թե հետաքրքրե՞լ է արդյոք Պուտինին այն, ինչ պատմվել է Նարիշկինի մասին: Ճշտող հարցին, թե հանդիպման ժամանակ քննարկվե՞լ է արդյոք այդ հարցը, նախագահի մամուլի քարտուղարը կրկին բացասական պատասխան է տվել: