«Սա պատերազմ է մեր ապագայի համար․ կոչ եմ անում բանակին, ոստիկանությանը՝ միացե՛ք»․ Վազգեն Մանուկյան

«Հայրենիքի փրկության շարժման» վարչապետի թեկնածու Վազգեն Մանուկյանն այսօր հանրահավաքի ժամանակ կոչով դիմեց ՀՀ քաղաքացիներին, պետական մի շարք կառուցների․ «Ես ուզում եմ կոչ անել հեռուստացույցի, հեռախոսների դիմաց նստածներին, էդ քարը փեշներիցդ գցեք, ում եք սիրում, ում չեք սիրում, կարևոր չէ։ Հիմա բոլորիս՝ մեր, մեր թոռների, երեխաների ապագայի հարցն է լուծվում։ Եկե՛ք այստեղ, հետո մենք իրար մեջ կպարզենք՝ ով է ճիշտ, ով՝ սխալ, բայց հիմա մենք՝ բոլորս միասին ենք, ինչպես՝ պատերազմի օրերին, երբ բոլոր շերտերը միանում են, որ գնան պատերազմ, որ գնան, փրկեն Հայաստանը։ Հիմա նորից պատերազմ է․ սա պատերազմ է մեր ապագայի համար։ Ես կոչ եմ անում բանակին․ անհապաղ հայտարարությամբ միացեք մեր ժողովրդին, կոչ եմ անում ոստիկանությանը՝ անհապաղ միացեք ժողովրդին։ Ամեն ժամը կարևոր է»,- ասաց Մանուկյանը։